04 مارچ ، 2021 
گڈاپ میں جنگلی جانور کا پھر حملہ، بکری کے ساتھ کتوں کو بھی ہلاک کردیا
04 مارچ ، 2021
کراچی کے علاقے گڈاپ کے سہراب فقیر جوکھیو گوٹھ میں جنگلی جانوروں نے ایک بار پھر حملہ کیا اور اس بار بکری کے ساتھ کتوں کو بھی ہلاک کیا۔
دوبارہ ہونے والے حملے میں نامعلوم جنگی جانور نے ایک بکری کو ہلاک ایک کو زخمی جبکہ کتوں کو بھی ہلاک کردیا۔
علاقہ مکین کے مطابق جنگلی جانور نے رات گئے حملہ کیا اور ایک بکری سمیت6کتوں کو بھی مار کر کھال اتار دی، محکمہ جنگلی حیات خطرناک جانور کو جلد از جلدرہائشی علاقے سے دورکرے،جنگلی جانوروں کو پکڑنے اور آبادی کی حفاظت کیلئے حکومت اور انتظامیہ نے تاحال اقدامات نہیں کیے۔
گڈاپ کے دو گاؤں میں دو دنوں میں 6بکریاں اورمتعدد کتے مارے جا چکے ہیں تاہم یہ بات اب تک معلوم نہیں ہوسکی کہ حملہ کرنے والا جانور کون ہے اور ان کی تعداد کتنی ہوتی ہے۔
