28 ستمبر ، 2012 
سپر ایٹ مرحلہ، جنوبی افریقہ کی ٹاس جیت کر پاکستان کیخلاف بیٹنگ
28 ستمبر ، 2012
کولمبو…آئی سی سی ورلڈ ٹی ٹوئنٹی کے سپر ایٹ مرحلے میں جنوبی افریقا نے پاکستان کے خلاف ٹاس جیت کر پہلے بیٹنگ کا فیصلہ کیا ہے۔ جنوبی افریقہ کی ٹیم میں ایک تبدیلی کی گئی ہے کہ فیف ڈوپلیسی کی جگہ رابن پیٹرسن کو شامل کیا گیا ہے جبکہ پاکستان ٹیم میں سہیل تنویر کی جگہ رضا حسن کو شامل کیا گیا ہے۔ ٹاس کے بعد مختصر گفتگو میں کپتان محمد حفیظ کا کہنا تھا کہ انہیں ٹیم پر بھروساہے کہ جنوبی افریقہ کیخلاف شاندار کارکردگی دکھائے گی۔واضح رہے کہ پاکستان، بھارت،جنوبی افریقا اور آسٹریلیا کے گروپ کو گروپ آف ڈیتھ کا نام دیا گیا ہے۔اس گروپ میں پاکستانی ٹیم اپنی مہم کا آغاز آج جنوبی افریقا کے خلاف پریما داسا اسٹیڈیم میں میچ سے کررہی ہے۔پرفیکٹ پروٹیز ٹیم کے خلاف گرین شرٹس کی فیلڈنگ اور بولنگ کا امتحان ہوگا۔ حریف کپتان اے بی ڈی ویلیئرز نے کہا ہے اگر پاکستان کے پاس ورلڈ کلاس اسپنرز ہیں تو ہمارا اسپین بولنگ کا شعبہ بھی کسی سے کم نہیں۔
مزید خبریں :
