10 مارچ ، 2021 
پاکستان
خواتین سندھ کے مختلف اضلاع میں خدمات سر انجام دے رہی ہیں جنہیں اب ڈی ایس پی بنائے جانے کے بعد نئی تقرریاں دی جائیں گی،فوٹو: فائل
سندھ پولیس کی 9 لیڈی انسپکٹرز کی ڈی ایس پی کے عہدے پر ترقی
10 مارچ ، 2021
سندھ پولیس کی 9 لیڈی انسپکٹرز کی ڈپٹی سپرنٹنڈنٹ آف پولیس (ڈی ایس پی) کے عہدے پر ترقی ہوگئی۔
سندھ پولیس میں بطور گریڈ 16 خدمات سرانجام دینے والی 9 پولیس انسپکٹرز کو اگلے عہدوں پر ترقی دے دی گئی ہے۔
ایڈیشنل چیف سیکریٹری سندھ محمد عثمان چاچڑ کے دستخط سے جاری نوٹیفکیشن کے مطابق سندھ پولیس کی گریڈ 16 کی 9 افسران کو گریڈ 17 میں بطور ڈپٹی سپرنٹنڈنٹ پولیس ترقی دے دی گئی ہے۔
ترقی پانے والی خواتین پولیس افسران میں ظلِ ہما، زرینہ چانڈیو، سلطانہ مہدی، افروز چوہان، نجم النساء، زیب النساء، عظمیٰ حفیظ، گل بانو اور زریں منظور شامل ہیں۔
یہ خواتین سندھ کے مختلف اضلاع میں خدمات سر انجام دے رہی ہیں جنہیں اب ڈی ایس پی بنائے جانے کے بعد نئی تقرریاں دی جائیں گی۔
