11 مارچ ، 2021 
سینیٹ کے آج شب ریٹائر ہونے والے 52 ارکان کون ہیں؟
11 مارچ ، 2021
سینیٹ کے 52 ارکان آج شب ریٹائر ہو جائیں گے، ریٹائر ہونے والوں میں راجا ظفر الحق ، پرویز رشید، عائشہ رضا فاروق، رحمان ملک ، سراج الحق ، عثمان خان کاکڑ ، رحمان ملک، جہانزیب جمال دینی و دیگر شامل شامل ہیں۔
12 سینٹرز دوبارہ انتخاب جیت کرواپس ایوان میں لوٹ آئے ہیں۔ ان میں شیری رحمان ، فاروق ایچ نائیک، سلیم مانڈوی والا، شبلی فراز ،لیاقت تراکئی، محسن عزیز ،ذیشان خانزادہ ، مولانا عبدالغفور حیدری، مولانا عطا الرحمان، پروفیسر ساجد میر، سرفراز بگٹی اور منظور کاکڑ شامل ہیں۔
11 مارچ 2021 یعنی آج رات 12 بجے 52 سینیٹرز ریٹائر ہو جائیں گے اور 12 مارچ کو نومنتخب 48 سینیٹرز آئندہ 6 سال کی مدت کیلئے حلف اٹھائیں گے۔
مسلم لیگ ن کے سب سے زیادہ 16 سینٹرز ریٹائر ہوں گے۔ ان میں راجا ظفر الحق، پرویز رشید، یعقوب خان ناصر، راحیلہ مگسی، آغا شاہزیب درانی، عائشہ رضا فاروق ، چوہدری تنویر ، اسد اشرف، غوث نیازی، صلاح الدین ترمزی، عبدالقیوم ، جاوید عباسی، نجمہ حمید، پروفیسر ساجد میر اور سلیم ضیاء شامل ہیں۔ سینیٹر مشاہد اللہ خان ریٹائرمنٹ سے قبل انتقال کر گئے جبکہ پروفیسر ساجد میر منتخب ہوکرایوان میں دوبارہ آرہے ہیں۔
پیپلز پارٹی کے 7 سینیٹرز ریٹائر ہوں گے، ان میں رحمان ملک، فاروق ایچ نائیک، گیان چند، اسلام الدین شیخ، سلیم مانڈوی والا ، سسی پلیجو اور شیری رحمان شامل ہیں۔ شیری رحمان، فاروق ایچ نائیک، سلیم مانڈوی والا دوبارہ منتخب ہوکرایوان میں واپس آئیں گے۔
پی ٹی آئی کے ریٹائر ہونے والے تمام 7 سینٹرز کا تعلق خیبر پختوانخوا سے ہے۔ ان میں کینتھ ولیمز ، لیاقت ترکئی ، محسن عزیز ، نعمان وزیر ، ثمینہ سعید ، شبلی فراز اور ذیشان خان زادہ شامل ہیں۔ محسن عزیز، لیاقت تراکئی، شبلی فراز اور ذیشان خانزادہ دوبارہ منتخب ہوگئے ہیں۔
ایم کیو ایم کے سندھ سے 4 سینیٹرز ریٹائر ہوں گے ، ان میں عتیق شیخ ، خوش بخت شجاعت ، محمد علی سیف اور نگہت مرزا شامل ہیں۔
جمعیت علمائے اسلام کے 2 سینیٹرز مولانا عطا الرحمان، مولانا غفور حیدری ریٹائر ہو نے کےبعد دوبارہ منتخب ہوچکے ہیں۔
جماعت اسلامی کے سراج الحق ریٹائرہوجائیں گے ، اے این پی کی ستارہ ایازپہلے ہی مستعفی ہوچکی ہیں۔ پشتونخوا ملی عوامی پارٹی کے 2 سینیٹرز عثمان خان کاکڑ اور گل بَشریٰ بھی ریٹائر ہو جائیں گے ۔
بی این پی مینگل کے جہانزیب جمال دینی بھی ریٹائر ہونے والوں میں شامل ہیں۔
بلوچستان سے ایک آزاد رکن یوسف بادینی ریٹائر ہو جائیں گے ۔ فاٹا سے 4 آزاد ارکان اورنگزیب اورکزئی ، مومن آفریدی ، ساجد طوری اور تاج آفریدی ریٹائر ہوں گے۔
بلوچستان عوامی پارٹی کے خالد بزنجو ، سرفراز بگٹی ، منظور کاکڑ ، نصرت شاہین ریٹائر ہو جائیں گے۔ سرفراز بگٹی اور منظور کاکڑ واپس ایوان میں آ چکے ہیں۔
نیشنل پارٹی کے میر کبیر ، اشوک کمار بھی ریٹائر ہو جائیں گے۔
