17 مارچ ، 2021 
مریم نوازکی ضمانت فوری معطل نہیں کی جاسکتی: لاہور ہائیکورٹ کا تحریری حکم
17 مارچ ، 2021
لاہور ہائیکورٹ نے مریم نوازکی ضمانت منسوخی کی درخواست پر تحریری حکم جاری کردیا۔
لاہورہائیکورٹ کے 2 رکنی بینچ نے چیئرمین نیب کی درخواست پر تحریری فیصلہ جاری کیا جس میں کہا گیا ہےکہ چیئرمین نیب نےچوہدری شوگرملزکیس میں مریم نوازکی ضمانت منسوخی کی استدعا کی، مریم نوازکی ضمانت کا حکم فوری طور پر معطل نہیں کیاجاسکتا۔
تحریری حکم کے مطابق نیب نے کہا کہ دوبار طلبی کے باوجود مریم نواز پیش نہیں ہوئیں۔
عدالت کے تحریری حکم میں بتایا گیا ہےکہ 7 اپریل کو وفاقی سیکرٹری داخلہ کو نیب کی درخواست پر تفصیلی جواب داخل کرنے کا حکم دیا گیا ہے۔
واضح رہےکہ نیب نے چوہدری شوگر ملز کیس میں مریم نواز کی ضمانت منسوخی کے لیے لاہور ہائیکورٹ سے رجوع کیا ہے جس پر عدالت نے مریم نواز کو 7 اپریل کے لیے نوٹس جاری کیا ہے۔
