بلاول کی ملک میں 3 روز سے جاری تشدد کی مذمت
14 اپریل ، 2021
چیئرمین پیپلز پارٹی بلاول بھٹو زرداری نے ملک میں تین روز سے جاری تشدد کی مذمت کرتے ہوئےکہا ہےکہ پُرتشدد واقعات میں ملوث ملزمان کے خلاف قانون کے مطابق کارروائی کی جائے۔
ایک بیان میں بلاول بھٹوکا کہنا تھا کہ حکومت کو ذمہ داری نبھانے سےگریز کی اجازت نہیں دی جاسکتی، واقعات سے واضح ہےکہ سلیکٹڈ حکومت نے ملک کو دلدل میں دھکیل دیا ہے ۔
بلاول بھٹوکا کہنا تھا کہ تشدد، سرکاری املاک پر قبضے ، پولیس پر حملوں کی اجازت نہیں دی جاسکتی، واقعات سے واضح ہے سلیکٹڈ حکومت نے ملک کو دلدل میں دھکیل دیا،پی ٹی آئی حکومت میں پولیس بھی تحفظ کی محتاج نظر آتی ہے۔
ان کا کہنا تھاکہ حکومت نے عوام کو بے یار ومددگار چھوڑ دیا ہے، پیپلز پارٹی کی ہمدردیاں پولیس اورشہید شہریوں کےلواحقین کے ساتھ ہیں، پرتشدد واقعات کے زخمیوں کا بہتر علاج معالجہ یقینی بنایا جائے۔
