09 مئی ، 2021
عرب فوجی اتحاد نے سعودی عرب میں حوثی باغیوں کا ڈرون حملہ ناکام بنادیا۔
ترجمان عرب فوجی اتحاد کے مطابق حوثی باغیوں کی جانب سے اتوارکی صبح خمیس مشیط کو نشانہ بنانےکےلیےڈرون بھیجا گیا تھا جسے تباہ کردیا گیا۔
خیال رہےکہ گذشتہ جمعے کو بھی حوثیوں کی جانب سے اسی علاقے میں بھیجا گیا ڈرون طیارہ تباہ کردیا گیا تھا۔
عرب فوجی اتحاد کا کہنا ہے کہ خطرات سے نمٹنے اور شہریوں کی حفاظت یقینی بنانے کے لیے عملی اقدامات کیے جا رہے ہیں۔
ترجمان کا مزید کہنا تھا کہ حوثی ملیشیا کی جانب سے شہریوں کو نشانہ بنانے کی کوشش بین الاقوامی قانون کی سنگین خلاف ورزی ہے۔