ڈی آئی خان کے کئی علاقوں میں کل روزہ رکھا گیا، آج عید منائی جا رہی ہے
14 مئی ، 2021
کل پاکستان بھر میں عید الفطر کا پہلا روز تھا تاہم ڈیرہ اسماعیل خان کے کئی علاقوں میں کل کا روزہ رکھا گیا تھا۔
ڈی آئی خان کے گاؤں بدنی خیل اور کتی خیل میں کل کا روزہ رکھا گیا اور آج عید منائی جا رہی ہے، دونوں گاؤں کی مساجد میں نماز عید ادا کی گئی اور لوگوں نے ایک دوسرے کو عید کی مبارکباد بھی دی۔
ڈی آئی خان کے دونوں گاؤں تحصیل پہاڑ پور اور یونین کونسل وانڈہ خان محمد میں واقع ہیں۔
سابق ناظم ڈیرہ اسماعیل خان اسماعیل خاں کا اس حوالے سے کہنا ہے کہ دونوں گاؤں 900 گھروں پر مشتمل ہیں۔
