22 مئی ، 2021 
لاہور میں قتل ہونے والی مائرہ کی دوست سجل کی ڈانس ویڈیو منظر عام پر آگئی
22 مئی ، 2021
لاہور کے علاقے ڈیفنس میں قتل کی گئی پاکستانی نژاد برطانوی شہری مائرہ کی دوست سجل کی ڈانس ویڈیو منظر عام پر آگئی۔
ویڈیو میں مائرہ کی دوست سجل کو ڈانس پارٹی میں دیکھا جا سکتا ہے جبکہ ڈانس پارٹی میں سجل کی ایک اور دوست اورعلی بھی دکھائی دے رہے ہیں۔
مائرہ کو قتل کی رات سجل اور علی نے ہی علی الصبح پونے 4 بجے ان کے گھر ڈراپ کیا تھا۔
مائرہ کے والد ذوالفقار کے مطابق انہوں نے سجل کو پکڑنے اور اسے شامل تفتیش کرنے کی اپیل کی ہے تاہم سجل کوپولیس نے پکڑ کر چھوڑ دیا تھا۔
دوسری جانب مائرہ قتل کیس میں 20 روز بعد بھی پولیس حتمی نتیجے پر نہیں پہنچ سکی۔ ابھی تک مائرہ کی دوست اقراء اور نامزد ملزم سعد بٹ کو حراست میں لیا گیا ہے، اندھے قتل نے کئی سوالات کھڑے کردیے ہیں۔
خیال رہے کہ پاکستانی نژاد برطانوی شہری مائرہ کو 3 مئی کو لاہور میں قتل کیا گیا تھا۔
