14 فروری ، 2012 
کارکے رینٹل پاور کے کرائے کی عدم ادائیگی پر حکومت پاکستان کو نوٹس
14 فروری ، 2012
کراچی … ترکی سے درآمد کئے گئے ”کارکے“ رینٹل پاور پلانٹ کے کرائے کی مد میں 2 کروڑ ڈالرسے زائد کی عدم ادائیگی پر ترک کمپنی نے حکومت پاکستان کو نوٹس بھیج دیا۔ وزارت پانی و بجلی کے ذرائع کے مطابق ”کارکے“ رینٹل پاور پلانٹ کے کرائے کی مد میں 2کروڑ ایک لاکھ ڈالر کے بقایا جات ہیں۔ ذرائع کے مطابق” کارکے“ کی طرف سے وزارت پانی و بجلی ، پیپکو اور لاکھڑا پاور جنریشن کمپنی کو بھیجے گئے نوٹسز میں کہا گیا ہے کہ بقایاجات ادا نہ ہونے سے حکومت پاکستان کی طرف سے دی گئی ضمانت ڈیفالٹ ہو رہی ہے۔ وزارت پانی و بجلی کے ایک سینئر افسر کے مطابق ”کارکے“ رینٹل پاور پلانٹ کا ماہانہ کرایہ 90 لاکھ ڈالر ہے، تاہم حکومت کو ماہانہ 78لاکھ ڈالر ادائیگی کرنی ہوتی ہے کیونکہ کارکے کو ایڈوانس میں ہی 14 فیصد ادا کردیا گیا تھا۔ انہوں نے مزید بتایا کہ نوٹس کا جواب دینے کیلئے حکومت کے پاس ایک ماہ کا وقت ہے۔
مزید خبریں :
روپے کی قدر میں کمی، ڈالر مہنگا ہوگیا
26 نومبر ، 2024
ملک میں سونا مزید سستا ہوگیا
26 نومبر ، 2024
انٹربینک میں ڈالر کی قیمت میں کمی، اوپن مارکیٹ میں اضافہ ہوگیا
25 نومبر ، 2024
پاکستان کی بیلاروس کو رکشے برآمدکرنےکی پیشکش
25 نومبر ، 2024
سونےکی بڑھتی قیمت کو بریک لگ گئی، فی تولہ سونا کتنا سستا ہوا؟
25 نومبر ، 2024
