05 جون ، 2025 
ٹرمپ اور شی جن پنگ کے درمیان ٹیلیفونک رابطہ، ٹیرف سمیت مختلف امور پر تبادلہ خیال
05 جون ، 2025
امریکی صدر ڈونلڈ ٹرمپ نے چینی صدر شی جن پنگ سے ٹیلیفونک رابطہ کیا جس میں ٹیرف سمیت مختلف امور پر تبادلہ خیال کیا گیا۔
چینی میڈیا کے مطابق ٹیلیفونک رابطہ صدر ٹرمپ کی درخواست پر ہوا۔ امریکا میں چین کے سفارتخانےکا کہنا ہے کہ امریکی صدر ڈونلڈ ٹرمپ اور چینی صدر شی جن پنگ نے فون پر بات کی ہے،گفتگو کا مقصد عالمی معیشت کو نقصان پہنچانے والے ٹیرف پر اختلافات دور کرنا تھا۔
چینی میڈیا کے مطابق ٹرمپ سےگفتگو میں صدر شی جن پنگ نےکہا کہ امریکا کو چین کے خلاف کیےگئے منفی اقدامات کو منسوخ کرنا چاہیے، دو طرفہ سفارتی، معاشی، تجارتی، عسکری اور سکیورٹی تبادلوں کو بڑھانا چاہیے، غلط فہمیاں کم کرکے تعاون بڑھانا چاہیے۔
چینی صدر کا کہنا تھا کہ چین امریکا تعلقات میں ہر قسم کی مداخلت اور تخریب کاری کو ختم کرنا ضروری ہے، دونوں ملکوں کو ایک دوسرے کے تحفظات کا احترام اور مساوی رویہ رکھنا چاہیے، امریکا کو تائیوان کا مسئلہ احتیاط سے سنبھالنا چاہیے، دونوں ملکوں کے لیے ڈائیلاگ اور تعاون درست انتخاب ہوگا۔
سوشل میڈیا پر اپنے بیان میں صدر ٹرمپ کا کہنا تھا کہ ڈیڑھ گھنٹہ بات چیت دونوں ملکوں کے لیے مثبت نتائج کی حامل رہی، حالیہ طے پانے والے تجارتی معاہدے پر بات کی، نایاب معدنیات کی پیچیدگی کے حوالے سے اب کوئی سوال نہیں ہونا چاہیے۔
ٹرمپ کا کہنا تھا کہ دونوں ملکوں کی ٹیمیں جلد ملاقات کریں گی، زیادہ تر گفتگو تجارت پر مرکوز رہی، روس یوکرین اور ایران پر کوئی بات نہیں ہوئی، چینی صدر نے مجھے اور میں نے انہیں مدعو کیا، دو عظیم ممالک کے صدور کی حیثیت سے ہم دونوں اس ملاقات کے منتظر ہیں۔
مزید خبریں :
حجاج کرام آج بڑے شیطان کی رمی کر رہے ہیں
06 جون ، 2025
