02 جون ، 2021 
شعیب اختر نے پی ایس ایل6 کے انعقاد پر خدشات کا اظہار کردیا
02 جون ، 2021
قومی کرکٹ ٹیم کے سابق فاسٹ بولر شعیب اختر نے پاکستان سپر لیگ (پی ایس ایل) 6 کے انعقاد پر خدشات کا اظہار کردیا۔
جیو نیوز سےگفتگو کرتے ہوئے شعیب اختر نے پاکستان کرکٹ بورڈ(پی سی بی) پر کڑی تنقید کی اور کہا کہ پاکستان سپر لیگ کرانےکے لیے پی سی بی کا ہوم ورک مکمل نہیں، پی سی بی نے بھارتی پروڈکشن کریوکے علاوہ کوئی دوسرا انتظام نہیں کیا۔
شعیب اخترکا کہنا تھا کہ پی ایس ایل ہوتا ہوا نظر نہیں آرہا، بھارت کے لیے تو پوری دنیا بند ہے، آپ اس کا پروڈکشن کریو لےکر پہنچ گئے۔
سابق فاسٹ بولرکا کہنا تھا کہ میں نے مشورہ دیا تھا کہ بقیہ پی ایس ایل میچز اگلے پی ایس ایل سے 20 دن پہلےکرادیں ۔
دوسری جانب پی سی بی کے سابق سربراہ عارف علی خان عباسی نے احسان مانی اور وسیم خان کو گھر چلے جانے کا مشورہ دے دیا۔
ان کا کہنا تھا کہ پی ایس ایل کے دوبارہ کرانے پر ایک غلطی نہیں بلکہ غلطیوں کے پل باندھ دیے گئے۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
3 گھنٹے پہلے
روہت شرما کے ہاں بیٹے کی ولادت
11 گھنٹے پہلے
