دنیا خطرناک حد تک بے قابو ہوتی گرمی کے قریب پہنچ گئی ہے، اقوام متحدہ

اقوام متحدہ کے موسمیاتی پینل نے انسانی سرگرمیوں سے زمین کو پہنچنے والے نقصانات پر خطرناک انتباہ جاری کردیا۔

موسمیاتی تبدیلی،بحرِ اوقیانوس سے چلنے والی گرم لہروں کا فطری نظام تباہی کے قریب

ماہرین نے خبردار کیا ہے کہ نمک کی سطح کم ہونے سے پانی ہلکا ہونے لگا ہے، سمندری ہواؤں کا سسٹم تیزی سے ختم ہو رہا ہے

اقوام متحدہ کی انٹرگورنمنٹ پینل آن کلائمیٹ چینج (آئی پی سی سی) نے اپنی رپورٹ میں کہا ہے کہ عالمی حدت 2030 تک ایک اعشاریہ پانچ ڈگری سینٹی گریڈ بڑھ جائے گی جوکہ انسانیت کے لیے بہت خطرے کی صورت حال ہے۔

رپورٹ میں بتایا گیا ہے کہ جنگلات،مٹی اور سمندر کی کاربن ڈائی آکسائیڈ جذب کرنے کی صلاحیت کمزورہوجائےگی تو دنیا کو ہیٹ ویو، بارشوں اور خشک سالی کا سامنا کرنا پڑے گا۔

موسمیاتی پینل کا کہنا ہے کہ دنیا خطرناک حد تک بے قابو ہوتی گرمی کے قریب پہنچ گئی ہے اور انسان واضح طور پرخود اس کے ذمہ دار ہے۔

وادی کوئٹہ موسمیاتی تبدیلی کے زیر اثر

موسمیاتی تبدیلیوں کی وجہ سے کوئٹہ کے بیشتر علاقوں میں قلت آب نے گھمبیر صورتحال اختیار کر لی ہے

ماہرین موسمیات نے خبردار کرتے ہوئےکہا ہے کہ فضا میں گرین ہاؤس گیس کی سطح پہلے ہی کافی زیادہ ہے جس سے صدیوں نہیں بلکہ دہائیوں میں آب وہوا میں خلل پڑسکتا ہے، ہیٹ ویو، طاقتور سمندری طوفانوں اور دیگر انتہائی موسم جس کا ابھی سامنا ہےاس میں مزید شدت آئے گی۔

اس کے علاوہ موسمیاتی پینل کی رپورٹ میں مزید کہا گیا ہے کہ اخراج کی ذمہ دار واضح طور پر انسانی سرگرمیاں ہیں جس سے اوسط عالمی حدت میں 1.1 سینٹی گریڈ اضافہ ہوا ہےاور اگر اس صورتحال پرقابو نہ پایا گیا تودرجہ حرارت میں مزید اضافہ ہوگا۔