15 اگست ، 2021 
افغانستان میں پھنسے غیر ملکیوں کے انخلا کیلئے پی آئی اے کا خصوصی آپریشن
15 اگست ، 2021
پاکستان کی قومی ائیر لائن (پی آئی اے) نے امریکی فوجیوں کے واپس جانے اور طالبان کی تیز پیش قدمی کے باعث افغانستان میں پھنسے غیر ملکیوں کو نکالنے کے لیے خصوصی آپریشن کا آغاز کر دیا۔
ذرائع کے مطابق پی آئی اے کا ایک بوئنگ 777 طیارہ آج صبح 11 بجے جبکہ ایک ائیر بس صبح 9 بجے اسلام آباد سے کابل پہنچی، اس آپریشن کے دوران غیرملکیوں اور مختلف ملکوں کی کمپنیوں کے افغانستان میں پھنسے ورکرز کو کابل سے نکالا جائے گا۔
ذرائع کا کہنا ہے کہ مختلف ممالک نے پی آئی اے سے خصوصی آپریشن شروع کرنے کی درخواست کی تھی جس پر پی آئی اے کی جانب سے افغانستان کے لیے خصوصی پروازیں چلانے کا فیصلہ کیا گیا۔
مسافروں کے لوڈ کے پیش نظر پی آئی اے نے افغان سول ایوی ایشن کے حکام سے اضافی پروازوں کی اجازت بھی لی ہے۔
