24 اگست ، 2021 
کابل سے انخلا میں غیرمعمولی تیزی، 24 گھنٹوں میں 106 پروازوں کی آمد و روانگی
24 اگست ، 2021
کابل سے لوگوں کے انخلا کے عمل میں غیرمعمولی تیزی ہوگئی ہے، افغانستان کے حامدکرزئی انٹرنیشنل ائیرپورٹ پر پچھلے 24 گھنٹوں میں 106 خصوصی پروازوں کی آمد و روانگی ہوئی۔
افغانستان میں طالبان کے کنٹرول کے بعد ملکی اور غیر ملکی باشندوں کے انخلا کے عمل میں غیرمعمولی تیزی دیکھنے میں آ رہی ہے۔
ایوی ایشن ذرائع کے مطابق گزشتہ 24 گھنٹوں کے دوران افغانستان کے حامدکرزئی انٹرنیشنل ائیرپورٹ پر امریکی ائیر فورس سمیت مختلف ممالک کی ائیر فورسز اور دیگر 106 طیاروں نے لینڈنگ اور ٹیک آف کیا، جن میں 98 پروازیں مخلتف ملکوں کی ائیرفورسز کی تھیں۔
کابل انٹرنیشنل ائیرپورٹ کی آمد اور روانگی کے بورڈ کے مطابق ائیر پورٹ کے رن وے خاص طور پر رات کے وقت انتہائی مصروف رہے۔
افغانستان کے مقامی وقت کے مطابق 22 اگست کی رات 10 بجے سے لے کر 23 اگست کی رات 10 بجے تک کابل ائیر پورٹ پر 55 طیاروں کی لینڈنگ ہوئی جبکہ 52 طیاروں نے ٹیک آف کیا۔
امریکی ائیر فورس کے سب سے زیادہ 67 طیاروں کی آمد اور روانگی ہوئی ہے۔ اس کے علاوہ رائل ائیر فورس کی 10 لینڈنگ اور ٹیک آف ہوئے، ترکش ائیر فورس کے 3، اسپین ائیر فورس کی 2، رائل نیوزی لینڈ ائیرفورس کی 2، رائل آسٹریلین ائیرفورس کی 4 پروازوں نے لینڈنگ اور ٹیک آف کیا۔
ایوی ایشن ذرائع کے مطابق گلوبل ایکس کی 6 پروازوں کی آمد و روانگی ریکارڈ کی گئی۔ افغانستان کی کمرشل ائیرلائن کام ائیر کی بھی 3 لینڈنگ اور ایک ٹیک آف ہوا۔
اس کے علاوہ کال سائن کے بغیر 4 طیاروں نے لینڈنگ اور ٹیک آف کیا جبکہ جارجیا سے بھی 4 کارگو طیاروں کی آمد اور روانگی مانیٹر کی گئی ہے۔
مزید خبریں :
بھارت میں 48 گھنٹوں میں 8 ہاتھیوں کی موت معمہ بن گئی
2 گھنٹے پہلے
اسرائیلی شہر حیفا پر حزب اللہ کا راکٹ حملہ، 2 اسرائیلی ہلاک
31 اکتوبر ، 2024
لبنان سے شمالی اسرائیل پر ہونیوالے راکٹ حملے میں 5 افراد ہلاک
31 اکتوبر ، 2024
