26 اگست ، 2021 
ویڈیو: پاکستان جانے کے خواہشمند ہزاروں افغان شہری 'اسپن بولدک' کی سرحد پر جمع
26 اگست ، 2021
طالبان کی جانب سے کابل کا کنٹرول حاصل کیے جانے کے بعد جہاں بڑی تعداد میں افغان شہری دوسرے ملک جا رہے ہیں وہیں ہزاروں کی تعداد میں لوگ پاکستان آنے کے بھی خواہشمند ہیں۔
افغان صحافی نتیق ملک زادا کی جانب سے ٹوئٹر پر ایک ویڈیو شیئر کی گئی ہے جس میں ہزاروں افراد کو پاکستان سے ملحق افغان سرحد اسپن بولدک میں انتظار کرتے دیکھا جاسکتا ہے۔
نتیق نے ویڈیو کے کیپشن میں بتایا کہ یہ کابل ائیرپورٹ نہیں بلکہ اسپن بولدک کی سرحد ہے جہاں ہزاروں افغانی اِس آس میں بیٹھے ہیں کہ کسی طرح افغانستان سے نکل کر پاکستان جا سکیں۔
صحافی کا مزید کہنا تھا کہ اسپن بولدک کی سرحد کی صورتحال کابل ائیرپورٹ سے بھی زیادہ خراب ہے اور یہاں کوئی بین الاقوامی فوج بھی موجود نہیں ہے۔
خیال رہے کہ 15 اگست کو طالبان نے افغانستان پر مکمل کنٹرول حاصل کر لیا تھا جس کے بعد افغان شہریوں کی بڑی تعداد ملک چھوڑ کر کسی دوسرے ملک پناہ لینے کی خواہشمند ہے۔
مزید خبریں :
بھارت میں 48 گھنٹوں میں 8 ہاتھیوں کی موت معمہ بن گئی
5 گھنٹے پہلے
اسرائیلی شہر حیفا پر حزب اللہ کا راکٹ حملہ، 2 اسرائیلی ہلاک
31 اکتوبر ، 2024
لبنان سے شمالی اسرائیل پر ہونیوالے راکٹ حملے میں 5 افراد ہلاک
31 اکتوبر ، 2024
