مشکوک ٹرانزیکشن کیس، آصف زرداری پر فرد جرم عائد کرنے کیلئے 29 ستمبر کی تاریخ مقرر
12 ستمبر ، 2021
اسلام آباد کی احتساب عدالت نے 8 ارب کی مشکوک ٹرانزیکشن کیس میں سابق صدر آصف علی زرداری پر فرد جرم عائد کرنے کیلئے 29 ستمبر کی تاریخ مقرر کردی۔
عدالت نے گزشتہ سماعت کے تحریری حکم نامے میں فرد جرم کی تاریخ مقرر کی ہے۔ عدالت نے آصف علی زرداری پر فرد جرم کی تاریخ 29 ستمبر مقرر کی اور فرد جرم عائد کرنے کیلئے سابق صدر کو طلب کر لیا ہے۔
عدالت نے آصف علی زرداری کے مبینہ فرنٹ مین مشتاق احمد کو اشتہاری قرار دیتے ہوئے کیس الگ کردیا ہے۔
مشتاق احمد کو احتساب عدالت نے بذریعہ اشتہار طلب کر رکھا تھا اور 9 ستمبر کو ملزم کو پیش ہونے کی آخری مہلت دی گئی تھی مگر وہ پھر بھی پیش نہیں ہوئے۔
عدالت نے مشتاق احمد کا شناختی کارڈ بلاک اور جائیداد ضبطی کی کارروائی بھی شروع کرنے کا حکم دیا ہے۔
