16 ستمبر ، 2021 
سابق ایم کیو ایم رہنما عمران فاروق کی اہلیہ کینسر کے سبب بولنے سے قاصر
16 ستمبر ، 2021
ایم کیوایم کے سابق رہنما ڈاکٹر عمران فاروق کی اہلیہ شمائلہ فاروق انتہائی غربت کی زندگی بسر کرنے پر مجبور ہیں۔
شمائلہ فاروق گلے میں اسٹیج فور کے کینسر کے سبب بول نہیں سکتیں اور وہ لندن کے گائز اسپتال آتے ہوئے کمزوری کے سبب اسٹیشن پر گر پڑیں جس کے بعد اسپتال کے عملے نے وہیل چیئر پر شمائلہ فاروق کو اسپتال پہنچایا۔
شمائلہ فاروق کا کہنا تھا کہ وہ کینسر کی جنگ بچوں کے ساتھ اکیلے لڑ رہی ہوں اور شہدا کی فیملیز کو بھلا دیا گیا ہے۔
عمران فاروق قتل کیس
50 سالہ ڈاکٹر عمران فاروق 16 ستمبر 2010 کو لندن میں اپنے دفتر سے گھر جارہے تھے کہ انہیں گرین لین کے قریب واقع ان کے گھر کے باہر چاقو اور اینٹوں سے حملہ کرکے قتل کردیا گیا تھا۔
حملے کے نتیجے میں وہ موقع پر ہی جاں بحق ہو گئے تھے، انہوں نے سوگواران میں اہلیہ اور دو بیٹوں کو چھوڑا تھا۔
