یورپی یونین کی مسابقتی کمشنر کا فیس بک کا متبادل لانے کا مطالبہ

 حال ہی میں کئی گھنٹوں تک سوشل میڈیا ایپس کی بندش کے بعد یورپی یونین کی مسابقتی کمشنر مارگریٹ ویسٹیگر نے فیس بک کا متبادل لائے جانے کا مطالبہ کردیا۔

 یورپی یونین کی مسابقتی کمشنر مارگریٹ ویسٹیگر نے حال ہی میں  ٹوئٹ کرتے ہوئے فیس بک کی بندش کے حوالے سے اپنی رائے کا اظہار کیا ہے۔

مارگریٹ نے اپنی ٹوئٹ میں لکھا کہ ہمیں ٹیکنالوجی مارکیٹ میں متبادل اورچوائسز کی ضرورت ہے، ہم چند بڑے کھلاڑیوں پر بھروسہ نہیں کرسکتے،  یہ ڈیجیٹل مارکیٹس ایکٹ کا ہدف ہے۔

مارگریٹ نے اپنی ٹوئٹ میں مزید لکھا کہ کبھی کبھی ایک دوسرے سے فون پر بات کرنے سے بہتر کچھ نہیں ہوتا اور اگر وہی آف لائن ہوتو۔

خیال رہے کہ حال ہی میں پاکستان سمیت دنیا بھر میں واٹس ایپ، فیس بک اور انسٹاگرام کی سروسز  7  گھنٹوں تک متاثر ہوگئی تھیں جس وجہ سے لاکھوں صارفین کو مشکلات کا سامنا کرنا پڑا تھا۔

پاکستان سمیت دنیا بھر میں واٹس ایپ، فیس بک اور انسٹاگرام کی سروسز متاثر

ان سروسز کی معطلی کے دوران امریکا میں ٹوئٹر پر واٹس ایپ اور فیس بک ٹاپ ٹرینڈ رہا البتہ ان سروسز کے تعطل کی کوئی وجہ اب تک سامنے نہیں آسکی

سوشل میڈیا ایپلی کیشنز کی بندش سے زکر برگ کو کتنے ارب ڈالرز کا نقصان ہوا؟

گزشتہ روز اسٹاک سلائیڈ پر مارک زکر برگ کے اثاثوں کی مالیت 121.6 سے کم دیکھنے میں آئی: بلوم برگ