29 اکتوبر ، 2021 
پاکستان سے میچ سے قبل افغان کرکٹر کی گرین شرٹس سے متعلق اہم پیشگوئی
29 اکتوبر ، 2021
افغان ٹیم کے وکٹ کیپر بلے باز محمد شہزاد نے ٹی ٹوئنٹی ورلڈکپ میں پاکستان کرکٹ ٹیم کے متعلق اہم پیشگوئی کی ہے۔
آئی سی سی ٹو ٹوئنٹی ورلڈکپ کے سوشل میڈیا پیچ پر ایک پوسٹ شیئر کی گئی جس میں افغانستان کرکٹ ٹیم کے کھلاڑیوں سے ٹورنامنٹ کا فائنل کھیلنے والی ٹیم سے متعلق ان کی رائے معلوم کی گئی۔
افغان کھلاڑیوں سے پوچھا گیا کہ کون سی ٹیم آئی سی سی ٹی ٹوئنٹی ورلڈکپ کے فائنل میں پہنچے گی۔
زیادہ تر افغان کھلاڑیوں نے کہا کہ لازمی ہے کہ ہر کھلاڑی اپنی ہی ٹیم کے بارے میں کہے گا لیکن اگر فائنل میں پہنچنے والی دوسری ٹیم کے بارے پوچھا جائے تو اس حوالے سے زیادہ تر افغان کھلاڑیوں کی رائے تھی کہ فائنل میں افغانستان اور بھارت کی ٹیمیں مدمقابل ہوں گی۔
تاہم افغانستان کے وکٹ کیپر بلے باز اور جارح مزاج کھلاڑی محمد شہزاد نے اس حوالے سے اپنی رائے دیتے ہوئے کہا کہ میرے خیال سے پاکستان کی ٹیم فائنل کے لیے فیورٹ ہے۔
خیال رہے کہ سابق آسٹریلین لیگ اسپنر شین وارن بھی ٹی ٹوئنٹی ورلڈکپ کے لیے پاکستانی ٹیم کو فیورٹ قرار دے چکے ہیں۔
ٹی ٹوئنٹی ورلڈکپ میں آج پاکستان اور افغانستان کی ٹیمیں مدمقابل ہوں گی اور اگر پاکستانی ٹیم افغانستان سے میچ جیت جاتی ہے تو گرین شرٹس کے ٹورنامنٹ کے سیمی فائنل میں پہنچنے کے امکانات واضح ہو جائیں گے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
