10 نومبر ، 2021
آج کل شادی بیاہ کے موقعوں پر ہر جوڑے کی خواہش ہوتی ہے کہ شادی کے لباس سے لے کر فرنیچر اور کمرے کی سجاوٹ ایسی ہو جو دوسروں سے مختلف ہو۔
شادی کی تقریب میں دلہا دلہن کے لباس کے بعد سب سے اہم فوٹو شوٹ ہوتا ہے جو ساری زندگی کے لیے یادگار بن جاتا ہے۔
بھارتی میڈیا کے مطابق چند دن قبل شادی کے بندھن میں بندھنے والے جوڑے نے راجستھان کے علاقے روات بھاٹا کی آبشار میں پری ویڈنگ فوٹو شوٹ کروارہے تھے کہ حادثاتی طور پر رانا پرتاب ساگر ڈیم کے دروازے کھل گئے۔
رپورٹس کے مطابق اچانک سے پانی کا بہاؤ تیز ہونا شروع ہوا اور دلہا دلہن سمیت 4 افراد اس آبشار میں پھنس گئے جس میں فوٹو گرافر بھی تھا۔
تاہم کسی طرح فوٹو گرافر پانی سے باہر نکلا اور فوری طور پر پولیس کو اطلاع دی لیکن بدقسمتی سے کیمرہ پانی میں ہی گرگیا۔
تاہم پولیس کے آنے کے بعد 3 گھنٹے میں دلہا دلہن اور ان کے ساتھ موجود تیسرے شخص کو ریسکیو کیا گیا۔