16 نومبر ، 2021 
اسپورٹس مین ہمیشہ سمجھتاہے وہ جیتےگا، پارلیمنٹ کے اجلاس پرسوال پر وزیراعظم کا جواب
16 نومبر ، 2021
وزیراعظم عمران خان کا کہنا ہے کہ اسپورٹس مین جب گراؤنڈ میں قدم رکھتاہےتو ہمیشہ سمجھتاہےکہ وہ جیتےگا۔
یہ بات وزیراعظم عمران خان نے پارلیمنٹ ہاؤس کی راہ داریوں میں صحافیوں سے گفتگو کے دوران کہی۔
پارلیمنٹ ہاؤس کی راہ داریوں میں وزیر اعظم سے صحافی نے سوال کیا کہ کل مشترکہ اجلاس کے لیے آپ کتنے پُرامید ہیں؟
اس پر وزیراعظم نے جواب دیا کہ اسپورٹس مین جب گراؤنڈ میں قدم رکھتا ہے تو ہمیشہ سمجھتا ہے کہ وہ جیتےگا ۔
خیال رہےکہ پارلیمنٹ کا مشترکہ اجلاس کل دوپہر 12 بجے ہونے جا رہا ہے، اجلاس میں حکومت الیکٹرانک ووٹنگ مشین کے استعمال اور اوور سیز پاکستانیوں کو ووٹ کے حق سمیت انتخابی اصلاحات کے علاوہ بھی کئی اہم قوانین منظور کرانا چاہتی ہے ۔
دوسری جانب متحدہ اپوزیشن نے پوری قوت سے حکومتی قانون سازی کا راستہ روکنےکا فیصلہ کیا ہے۔
