24 نومبر ، 2021
بھارتی حکومت نے17 نومبر کو کرتارپور راہداری کھولنے کا فیصلہ کیا جس کے بعد سکھوں کے روحانی پیشوا بابا گرو نانک کے جنم دن کی تقریبات میں شرکت کے لیے ہزاروں سکھ زائرین بھارت سے پاکستان آئے۔
ہزاروں سکھ زائرین کی پاکستان آمد پر تقسیم ہند کے وقت بچھڑنے والے 2 دوست بھی کرتار پور میں مل گئے۔
حال ہی میں ہندوستان سے گوپال سنگھ کرتار پور صاحب کی زیارت کرنے کیلئے پاکستان پہنچے تو وہاں ان کی ملاقات اپنے بچھڑے ہوئے دوست بشیر سے ہوگئی ، جو پاکستان کے شہر نارووال میں رہتے ہیں ۔
بھارتی میڈیا کے مطابق 1947 میں ہندوستان کی تقسیم کے دوران سردار گوپال سنگھ اور ان کے دوست محمد بشیر ایک دوسرے سے الگ ہوگئے تھے ، مگر سرحدوں کی تقسیم کے باوجود ان کی دوستی ختم نہیں ہوئی ۔
بھارتی میڈیا کاکہنا ہے کہ 74 سال بعد جب 94 سال کے گوپال سنگھ اور 91 سال کے بشیر ملے تو دونوں ایک دوسرے کو دیکھ کر کافی روئے۔