13 دسمبر ، 2021
ملک کے مختلف علاقوں میں شدید دھند چھٹنے کے بعد موٹر وے ایم ون اور ایم ٹو پر ٹریفک کی روانی بحال کردی گئی۔
شدید دھند کے باعث موٹر وےایم ون کو پشاور سےبرہان اور موٹر وے ایم ٹو کو ٹھوکر نیازبیگ سے پنڈی بھٹیاں تک مکمل طور پر بند کیا گیا تھا جبکہ شہریوں کو بھی دوران سفر محتاط ڈرائیونگ کرنے کی تاکید کی گئی ہے۔
تاہم اب موٹر وے پولیس نے دھند چھٹنے کے بعد موٹر ویز پر ٹریفک کی روانی کو بحال کردیا ہے۔
محکمہ موسمیات نے پنجاب کے میدانی علاقوں میں اسموگ اور ہلکی دھند کا امکان ظاہر کیا ہے۔
دوسری جانب ائیر کوالٹی انڈیکس کے مطابق، دنیا کے آلودہ ترین شہروں میں اب سے کچھ دیر پہلے تک لاہور ایک بار پھر سرفہرست موجود رہا ، اس فہرست میں پاکستان میں گوجرانوالہ کا دوسرا، بہاولپور کا تیسرا ، مریدکےکاچوتھا، راولپنڈی کا پانچواں، اسلام آباد کا چھٹا اور کراچی کا ساتواں نمبر تھا۔