15 دسمبر ، 2021 
پیٹرول 11 اور ڈیزل فی لیٹر پونے 9 روپے سستا ہوسکتا تھا، انڈسٹری ذرائع
15 دسمبر ، 2021
حکومت نے آئندہ 15 روز کیلئے پیٹرولیم مصنوعات کی قیمتوں میں کمی کا اعلان کیا ہے اور پیٹرول کی فی لیٹر قیمت میں 5 روپے کی کمی کی گئی ہے۔
تاہم انڈسٹری ذرائع کا کہنا ہے کہ پیٹرول کی قیمت میں 11 روپے فی لیٹر تک جب کہ ڈیزل کی قیمت میں پونے 9 روپے تک کمی ہو سکتی تھی۔
ذرائع کے مطابق حکومت نے سیلز ٹیکس، ڈیلرز مارجن اور آئل مارکیٹنگ کمپنیوں کا منافع بڑھا دیا جس کے باعث عوام کو پیٹرولیم مصنوعات کی قیمتوں میٕں کمی کا پورا فائدہ نہیں مل سکا۔
جیو نیوز کے نمائندے سیف الرحمان کے مطابق وفاقی حکومت نے پیٹرول پر جنرل سیلز ٹیکس (جی ایس ٹی) ایک اعشاریہ 63 فیصد سے بڑھا کر 4 اعشاریہ 77 فیصد کردیا جب کہ ڈیزل پر جی ایس ٹی 7 اعشاریہ 4 فیصد سے بڑھا کر 9 فیصد کر دیا۔
پیٹرول پر ڈیلرز اور آئل مارکیٹنگ کمپنیز کا منافع ایک روپے 70 پیسے فی لیٹر بڑھا دیا گیا جبکہ ڈیزل پر ڈیلرز اور آئل مارکیٹنگ کمپنیز کا منافع ایک روپے 54 پیسے بڑھا دیا گیا، پیٹرول اور ڈیزل پر پیٹرولیم لیوی کو برقرار رکھا گیا ہے۔
مزید خبریں :
پاکستان کی بیلاروس کو رکشے برآمدکرنےکی پیشکش
15 منٹ پہلے
سونےکی قیمت میں مسلسل چھٹے روز اضافہ، فی تولہ سونا کتنےکا ہوگیا؟
23 نومبر ، 2024
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
