اب 12 سال تک کے بچوں کو بھی عمرے کیلئے سعودی عرب آنے کی اجازت ہوگی

سعودی وزارت حج و عمرہ نے اعلان کیا ہے کہ اب 12 سال تک کے بچوں کو بھی عمرے کیلئے مملکت میں آنے کی اجازت ہوگی۔

خیال رہے کہ کورونا وبا کی وجہ سے عمرہ ادائیگی کیلئے آنے والوں پر متعدد پابندیاں عائد کی گئی تھیں جن میں 18 سال سے کم عمر بچوں کی آمد پر بھی پابندی لگائی گئی تھی تاہم اب یہ پابندی اٹھا لی گئی ہے۔

سعودی عرب میں پی سی آر ٹیسٹ کی شرط ختم، کون لوگ مستفید ہوں گے؟

کورونا کیسز میں کمی کے بعد جدہ میں کورونا مریضوں کا فیلڈ اسپتال بند کردیا گیا

سعودی حکام کے مطابق سعودی عرب کے رہائشی اور خلیج تعاون کونسل کے رکن ممالک کے شہری جو 12 سال یا اس سے زائد عمر ہوں وہ عمرے کی ادائیگی، مسجد الحرام میں نماز اور روضہ رسول ﷺ پر حاضری وغیرہ کیلئے اجازت نامہ حاصل کرسکتے ہیں۔

اس کے علاوہ 12 سال اور اس سے زائد عمر افراد عمرے کی درخواست دے سکتے ہیں تاہم ضروری ہے کہ وہ توکلنا ایپ پر  خود کو مکمل طور پر ویکسین شدہ ظاہر کریں۔

سعودی عرب نے حجاز مقدس میں کوورنا وبا کی وجہ سے سماجی فاصلے اور دیگر ایس او پیز کی شرائط پہلے ہی ختم کردی تھہں تاہم زائرین کے لیے ماسک پہننا اب بھی لازمی ہے۔