26 اکتوبر ، 2012 
چیمپینز لیگ : سڈنی سکسرز اور ٹائٹنز سیمی فائنل میں آج مدمقابل
26 اکتوبر ، 2012
سنچورین …چیمپینز لیگ کرکٹ کا دوسرا سیمی فائنل آج سڈنی سکسرز اور ٹائٹنز کے درمیان ہوگا، پہلے سیمی فائنل میں دہلی ڈئیرڈیولز کی شکست کے ساتھ ہی بھارت کی آخری امید بھی دم توڑ گئی۔سنچورین میں کھیلا جانے والا دوسرا سیمی فائنل آج پاکستانی وقت کے مطابق رات ساڑھے آٹھ بجے شروع ہوگا، سڈنی کی ٹیم ایونٹ میں اب تک ناقابل شکست ہے، اسے شین واٹسن کی خدمات تو حاصل نہیں لیکن کپتان بریڈ ہیڈن، پیٹ کمنز اور مچل اسٹارک جیسے کھلاڑی کسی بھی ٹیم کو ہرانے کی صلاحیت رکھتے ہیں۔سیمی فائنل میں انکا مقابلہ ہوگا ٹائٹنز سے جس نے ایونٹ میں صرف ایک میچ ہارا، ٹائٹنز کے پاس جنوبی افریقی ٹیم کے ٹی ٹوئنٹی ٹیم کے کپتان اے بی ڈی ولیرز کے ساتھ ساتھ جیک روڈولف اور فرحان بیہاردین جیسے باصلاحیت کھلاڑی موجود ہیں، فاتح ٹیم 28 اکتوبر کو فائنل میں ہائی ویلڈ لائنز سے مقابلہ کرے گی، لائنز نے پہلے سیمی فائنل میں دہلی ڈئیرڈیولز کو شکست دی تھی۔
