21 دسمبر ، 2021 
پاکستان
لاہور کی نجی یونیورسٹی کے گیٹ پر فائرنگ کرنے والا شخص گرفتار
21 دسمبر ، 2021
لاہور کی ایک نجی یونیورسٹی کے گیٹ پرفائرنگ کی وڈیو وائرل ہوئی ہے جس میں یونیورسٹی کے گیٹ پر ایک اسلحہ بردار شخص کو داخل ہوتے دیکھا جاسکتا ہے۔
مسلح شخص کو سکیورٹی گارڈ نے نجی یونیورسٹی میں داخل ہونےسےنہیں روکا، اسلحہ دیکھ کر نجی یونیورسٹی کےگارڈز بھی ایک کمرےمیں چھپ گئے، لوگوں نے مسلح شخص کو نجی یونیورسٹی سے نکالا تو اس نےفائرنگ کردی۔
پولیس کا کہنا ہے کہ نجی یونیورسٹی کے گیٹ پر ہوائی فائرنگ کرنے والے ملزم افضل کو گرفتار کرکے اسلحہ برآمد کرلیا گیا ہے۔
پولیس کے مطابق ملزم کے خلاف یونیورسٹی انتظامیہ کی مدعیت میں مقدمہ درج کرلیا گیا ہے اور مزید تحقیقات کی جارہی ہیں۔
