31 دسمبر ، 2021 
پاکستان
کراچی: سولجر بازار میں دو افراد کی ٹارگٹ کلنگ کی ویڈیو سامنے آگئی
31 دسمبر ، 2021
کراچی کے علاقے سولجر بازار میں دو افراد کی ٹارگٹ کلنگ کی سی سی ٹی وی فوٹیج سامنے آگئی۔
پولیس کو موصول ہونے والی فوٹیج میں دیکھا جاسکتا ہےکہ دو موٹرسائیکلوں پر سوار چار ملزمان نے مقتول جاوید اور مصدق کو روکا جس کے بعد سفید پینٹ شرٹ پہنے ملزم نے دونوں افراد پر فائرنگ کردی جب کہ ملزم کے دیگر ساتھی کچھ فاصلے پر موٹرسائیکلوں پر کھڑے تھے۔
ٹارگٹ کلر تقریباً ڈیڑھ منٹ تک گولیاں برساتا رہا اور ملزم نے فرار ہوتے ہوئے بھی دونوں افراد پر قریب سے فائرنگ کی۔
واضح رہے کہ سولجر بازار میں موٹر سائیکل سوار ملزمان کی فائرنگ سے گینگ وار کے سرغنہ ارشد پپو قتل کیس میں نامزد برطرف پولیس انسپکٹر سمیت 2 افراد کو ٹارگٹ کلنگ کر کے قتل کر دیا گیا۔
