لندن… این جی ٹی… پچھلے برس عام برطانوی لڑکی سے شہزا دی کیتھرین میڈ لٹن تک کا سفر طے کرتے ہوئے برطانوی شاہی خاندان اور پرنس ولیم کی ہمسفربننے والی کیٹ میڈلٹن کامومی مجسمہ بہت جلد انکے شہزادے کے ہمراہ کھڑا نظر آئیگا۔تازہ ترین اطلاعات کے مطابق برطانوی شہزادی کیتھرین میڈلٹن کے 4مومی مجسمے رواں سال اپریل میں مادام تساؤ کے مختلف میوزیمز کی زینت بنادیے جائینگے۔مادام تساؤ میوزیم کے لیے1لاکھ 50ہزار پاؤنڈ کی لاگت سے تیار ہونے والے ان مومی مجسموں پر پچھلے سال کیٹ میڈلٹن اور پرنس ولیم کی شادی کے بعد کام شروع کیا گیا تھا۔پرنس ولیم اور کیٹ میڈ لٹن کی پہلی شادی کی سالگرہ کی مناسبت سے تمام مجسمے اپریل میں نمائش کے لیے پیش کیے جائینگے ۔ لندن کے مادام تساؤ میوزیم میں کیٹ کے مجسمے کے لیے انکی منگنی کے نیلے لباس کا انتخاب کیا گیا ہے جو 4اپریل کو پرنس ولیم کے مجسمے کے برابر نمائش کے لیے رکھ دیا جائیگا۔دوسری جانب شادی کی پہلی سالگرہ کے موقع پر پرنس ولیم اور پرنسس کیتھرین کی باربی ڈولز بھی متعارف کروائی جارہی ہیں۔