24 مئی ، 2025 
انٹرٹینمنٹ
وزن کم کرنا اور فٹ نظر آنا میری خواہش کے ساتھ ساتھ میرے شوہر کی بھی خواہش ہے: اداکارہ کی پروگرام میں گفتگو/ فائل فوٹو
وزن بڑھنے پر شوہر نے چھوڑ دینے کی وارننگ دی: مہرالنساء اقبال
24 مئی ، 2025
پاکستانی اداکارہ و ماڈل مہرالنساء اقبال نے اپنے شوہر سے متعلق حیرت انگیز انکشاف کیا ہے۔
مہر النساء اقبال کی حال ہی میں ذکریہ شاہ سے شادی ہوئی ہے جو برطانیہ میں رہائش پذیر ہیں۔
اداکارہ نے ایک نجی ٹی وی کے مارننگ شو میں شرکت کی اور وزن کے حوالے سے اپنے شوہر کی سخت وارننگ کے بارے میں انکشاف کیا۔
اداکارہ نے بتایا کہ وزن کم کرنا اور فٹ نظر آنا میری خواہش کے ساتھ ساتھ میرے شوہر کی بھی خواہش ہے۔
انہوں نے کہا کہ ایک بار میرے شوہر مجھے بول چکے ہیں کہ جس دن تمہارا وزن بڑھے گا یا آنٹی لگنا شروع ہو جاؤ گی تو میں تمہیں چھوڑ دوں گا لیکن میں نے اسے سنجیدگی سے نہیں لیا، وہ مجھے نہیں چھوڑ سکتے، چاہے میں 'آنٹی' بن جاؤں کیونکہ مجھے ان کی آدھی جائیداد مل جائے گی۔
