21 جنوری ، 2022 
پاکستان
اسلام آباد ہائیکورٹ کا ایک جج اور دو عدالتی اہلکار بھی کورونا سے متاثر
21 جنوری ، 2022
اسلام آباد ہائیکورٹ کےجسٹس طارق محمود جہانگیری سمیت دو عدالتی اہلکار بھی کورونا وائرس میں مبتلا ہوگئے۔
جسٹس طارق محمود جہانگیری کا کورونا ٹیسٹ مثبت آنے کے بعد ان کی کورٹ میں کیسز کی کاز لسٹ منسوخ کر دی گئی ہے اور جسٹس طارق قرنطینہ میں چلے گئے ہیں۔
ذرائع کا کہنا ہےکہ اسلام آباد ہائیکورٹ کے چیف جسٹس کی کورٹ کے عدالتی اہلکار اور جسٹس میاں گل حسن اورنگزیب کی کورٹ کے ریڈر کا بھی کورونا ٹیسٹ مثبت آگیا ہے۔
ذرائع نے بتایا کہ کورونا کیسز سامنے آنے پر چیف جسٹس اطہر من اللہ کی کورٹ روم میں ڈس انفیکشن اسپرے کرا دیا گیا۔
