20 فروری ، 2022 
پاکستان
تحریک عدم اعتماد کا معاملہ، فضل الرحمان اور آصف زرداری کی ملاقات طے پا گئی
20 فروری ، 2022
وزیراعظم عمران خان کے خلاف تحریک عدم اعتماد کے معاملے پر مشاورت کے لیے حکومت مخالف اپوزیشن اتحاد پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان اور سابق صدر آصف علی زرداری کے درمیان ملاقات طے پا گئی ہے۔
ذرائع کا بتانا ہے کہ سابق صدر آصف زرداری کل مولانا فضل الرحمان سے ان کی رہائش گاہ پر ملاقات کریں گے۔
ذرائع کے مطابق دونوں سیاسی شخصیات کی ملاقات میں حکومت کے خلاف تحریک عدم اعتماد سے متعلق مشاورت اور حکومتی اتحادیوں سے رابطوں پر تبادلہ خیال ہو گا۔
ذرائع کا کہنا ہے کہ ملاقات میں ملکی سیاسی صورتحال پر بھی گفتگو ہو گی اور مولانا فضل الرحمان سابق صدر آصف زرداری کے اعزاز میں عشائیہ بھی دیں گے۔
