06 مارچ ، 2022 
پاکستان
ندیم افضل چن تحریک انصاف کو خیرباد کہہ کر دوبارہ پیپلز پارٹی میں شامل
06 مارچ ، 2022
وزیراعظم عمران خان کے سابق معاون خصوصی ندیم افضل چن تحریک انصاف کا ساتھ چھوڑ کر دوبارہ پاکستان پیپلز پارٹی میں شامل ہو گئے۔
بلاول بھٹو زرداری پیپلز پارٹی کی قیادت کے ہمراہ لاہور میں ندیم افضل چن کے گھر پہنچے جہاں ان کے اعزاز میں ظہرانہ دیا گیا۔
اس موقع پر ندیم افضل چن نے پاکستان تحریک انصاف سے اپنے راستے جدا کرکے دوبارہ پیپلز پارٹی میں شمولیت کا اعلان کیا اور کہا کہ کچھ مجبوریوں کی وجہ سے غلط فیصلہ کیا تھا، اپنے گھر واپس آ گیا ہوں جس کی خوشی ہے۔
چیئرمین پیپلز پارٹی بلاول بھٹو زرداری نے ندیم افضل چن کو پیپلز پارٹی میں دوبارہ شمولیت اختیار کرنے پر مبارکباد دی اور کہا کہ اب ہم آخری دم تک ایک دوسرے کے ساتھ رہیں گے۔
