07 مارچ ، 2022 
پاکستان
کراچی میں ماں بیٹی کا لرزہ خیز قتل، گھر میں گولیاں مار دی گئیں
07 مارچ ، 2022
کراچی کے علاقے ناظم آباد کے گھر میں فائرنگ کرکے ماں اور بیٹی کو قتل کردیا گیا۔
کراچی کے علاقے ناظم آباد نمبر چار میں گھر سے ماں بیٹی کی لاشیں برآمد ہوئیں، دونوں کو سر پر گولی مار کر قتل کیا گیا۔ جاں بحق خواتین کی شناخت 60 سالہ روبینہ اور 35 سالہ حرا کے ناموں سے ہوئی جو ماں بیٹی ہیں۔
پولیس حکام کے مطابق محلے میں کسی نے گولی چلنے کی آواز نہیں سنی، صبح گھر میں کام کرنے والی ماسی آئی تو لاشیں دیکھ کر پولیس کو اطلاع دی گئی۔
پولیس کا کہنا ہے کہ جائے وقوع سے مزاحمت کے شواہد نہیں ملے ہیں، شبہ ہےذاتی رنجش پر قتل کیا گیا، مقتولہ کے شوہر نے دو شادیاں کی ہوئی ہیں اور وہ کبھی کبھار ہی ملنے آیا کرتا تھا، پولیس نے واقعے کی تحقیقات شروع کر دی ہے۔
