10 مارچ ، 2022 
کراچی: عمارت سےگرکر ایک شخص کی ہلاکت کا ایک اور مشکوک واقعہ
10 مارچ ، 2022
کراچی کے علاقے صفورہ کے قریب عمارت سے گر ایک شخص ہلاک ہوگیا۔
نعمان نامی شخص کے بارے میں ابتدائی اطلاعات یہ تھیں کہ اُسے صفورا چورنگی کے قریب زیر تعمیر عمارت سے اس حالت میں نیچے پھینکا گیا کہ اُس کی کمر پرگولیوں کے دو نشانات تھے لیکن اب پولیس نے اس کی تردید کی ہے۔
پولیس حکام کے مطابق نعمان زیر تعمیر عمارت میں صبح 12 بج کر 10 منٹ پر چوکیدار سے اجازت لے کرگیا، چوکیدار نے نعمان کو مزدور سمجھ کر جانے کی اجازت دی، ابتدائی طور پرلاش کی کمر پردو نشانات ملے جنہیں گولیوں کے نشانات سمجھا گیا لیکن تصدیق کے بعد پتا چلا کہ وہ گولیوں کے نہیں بلکہ بتھروں کے نشانات ہیں۔
نعمان کی لاش کو عباسی شہید اسپتال منتقل کردیا گیا، جسے طبی معائنے کےبعد سرد خانے منتقل کردیا گیاہے۔
اس سے قبل لیاقت آباد میں بھی نبیل نامی نوجوان کو گھر کی پانچویں منزل سے نیچے پھینک کر قتل کردیا گیا تھا جس کا الزام شریف آباد تھانے کے سب انسپکٹر عامراور دو ساتھی اہلکاروں پر لگایا گیا تھا۔
