15 مارچ ، 2022 
پاکستان
پٹیشن تیار کرنا شروع کردی ہے، جلد ہائی کورٹ سے رجوع کریں گے، ذرائع قانونی ٹیم— فوٹو: فائل
عدم اعتماد: بلاول کی لیگل ٹیم سے ملاقات، ارکان کو دھمکانے پر عدالت سے رجوع کرنے پر غور
15 مارچ ، 2022
پاکستان پیپلزپارٹی کے چیئرمین بلاول بھٹو زرداری نے وزیراعظم کے خلاف تحریک عدم اعتماد کے معاملے پر قانونی ٹیم سے ملاقات کی ہے۔
ذرائع کے مطابق ملاقات میں وزیراعظم، اسپیکر قومی اسمبلی اور وفاقی وزرا کے بیانات کا جائزہ لیا گیا۔
ذرائع کا کہنا ہے کہ پیپلزپارٹی اراکین قومی اسمبلی کو دباؤ میں لانے اور دھمکانے کے خلاف ہائیکورٹ سے رجوع کرنے پر غور کیا گیا۔
ذرائع کے مطابق اپوزیشن کی قانونی ٹیم نے تحریک عدم اعتماد کےحوالے سے تمام قانونی پہلوؤں کا جائزہ لیا۔
ذرائع قانونی ٹیم کا کہنا ہے کہ پٹیشن تیار کرنا شروع کردی ہے، جلد ہائی کورٹ سے رجوع کریں گے۔
