23 مارچ ، 2022 
پاکستان
یوم پاکستان پر مسلح افواج کی پریڈ آج اسلام آباد میں ہوگی جس میں تینوں مسلح افواج اور قانون نافذ کرنے والے اداروں کے دستے حصہ لیں گے —فوٹو: فائل
یوم پاکستان پر مسلح افواج کی پریڈ آج اسلام آباد میں ہوگی
23 مارچ ، 2022
یوم پاکستان پر مسلح افواج کی پریڈ آج اسلام آباد میں ہوگی جس میں تینوں مسلح افواج اور قانون نافذ کرنے والے اداروں کے دستے حصہ لیں گے ۔
رپورٹس کے مطاق جدید ترین جے ٹین جنگی طیاروں کا اور ایوی ایشن فلائی پاسٹ بھی ہوگا جبکہ پریڈ میں آرمرڈ کور، آرٹلری اور ایئر ڈیفنس انجینیرز کے دستے دشمن پر ہیبت طاری کرنے والے سامانِ حرب کے ساتھ حصہ لیں گے ۔
اس کے علاوہ پریڈ میں ایس ایس جی کے کمانڈوز فری فال کا مظاہرہ کریں گے جبکہ چاروں صوبوں، آزاد کشمیر اور گلگت بلتستان کے ثقافتی فلوٹس بھی تقریب کو چار چاند لگائیں گے ۔
او آئی سی کے وزرائے خارجہ کو بھی یومِ پاکستان پریڈ میں خصوصی طور پر مدعو کیا گیا ہے ۔
