پرویز الٰہی وزیراعظم سے ملنے بنی گالہ کیوں گئے؟ چوہدری شجاعت نے بتا دیا

پاکستان مسلم لیگ قائد اعظم (ق) کے سربراہ و سابق وزیراعظم چوہدری شجاعت حسین نے پرویز الٰہی کی وزیراعظم عمران خان سے ملاقات پر ردعمل کا اظہار کیا ہے۔

جیو نیو ز سے گفتگو میں چوہدری شجاعت کا کہنا تھاکہ پرویزالٰہی وزیراعظم کی بات سننےگئے ہیں کوئی فیصلہ کرنے نہیں۔

پرویز الٰہی وزیراعظم سے ملاقات کیلئے بنی گالا پہنچ گئے

پرویز الٰہی ایسے وقت وزیراعظم سے ملاقات کے لیے بنی گالا پہنچے ہیں جب قومی اسمبلی میں تحریک عدم اعتماد پیش کی جاچکی ہے

ان کا مزید کہنا تھاکہ وزیراعظم سےملاقات کے بعد پرویزالٰہی دیگراتحادیوں کوملاقات سےآگاہ کریں گے، جو بھی فیصلہ ہوگا اتحادیوں کی مشاورت سے ہوگا۔

خیال رہے کہ اسپیکر پنجاب اسمبلی چوہدری پرویز الٰہی وزیراعظم عمران خان سے ملاقات کیلئے بنی گالہ پہنچے ہیں۔