رانا تنویرکی حکومت کی تبدیلی کے بعد عمران خان کو چیئرمین پی اے سی بننےکی پیشکش

مسلم لیگ ن کے رہنما اور قومی اسمبلی میں  پبلک اکاؤنٹس کمیٹی (پی اے سی) کے چیئرمین رانا  تنویر حسین نے وزیراعظم عمران خان کو پیشکش کی ہے کہ حکومت کی  تبدیلی کے بعد عمران خان چیئرمین پی اے سی بننا چاہیں تو تیار ہیں۔

اسلام آباد میں میڈیا سے گفتگو میں رانا تنویر کا کہنا تھا کہ عمران خان کو  چیئرمین پی اے سی بننےکا مشورہ نہیں دے رہا بلکہ یہ ان کا حق ہے، ہمیشہ سے یہی پریکٹس رہی ہے ، پر ان کی عادت نہیں کام کرنےکی، عمران خان کام کرتے تو  آج  اس حد تک نہ پہنچتے۔

رانا تنویر کا کہنا تھا کہ عمران خان کی ٹریننگ اللہ ہی کرے ، تین سال تو ان کی ٹریننگ ہوئی نہیں، ہماری کوشش ہے انتخابات جلد از جلد ہوں، فیصلہ متحدہ اپوزیشن کرے گی، 'بڑے میاں' کی اجازت سے پرویز الہٰی کو وزرات اعلیٰ کی آفر کی تھی ۔

ان کا کہنا تھا کہ چیئرمین نیب کے لیے اللہ خیر کرے ، وہ یک طرفہ چلتے آئے ہیں، چیئرمین  نیب نے حکومت کے اسکینڈلز کی طرف مڑ کر دیکھا بھی نہیں، انتخابی اصلاحات اور  نیب میں بہتری لانا ہماری ترجیحات ہوں گی۔

’آخری گیند تک لڑوں گا‘: وزیراعظم کی زیر صدارت کابینہ اجلاس کی اندرونی کہانی

اجلاس میں وزیراعظم نےمبینہ سازشی خط پر کابینہ کو اعتماد میں لےلیا اور وفاقی کابینہ نے وزیراعظم کو مکمل حمایت کی یقین دہانی کرادی ہے، ذرائع

ایم کیو ایم نے تحریک عدم اعتماد پر متحدہ اپوزیشن کی حمایت کا باضابطہ اعلان کردیا

وزیراعظم عددی قوت کھو چکے مستعفی ہوں ، شہباز، پی پی اور ایم کیو ایم نے ہر حال میں مل کر کام کرنا ہے ، بلاول، ہماری تعداد 175 ہوگئی ، فضل الرحمان