03 اپریل ، 2022 
آئین پاکستان کے آرٹیکل 5 اور 6 میں کیا لکھا ہے؟
03 اپریل ، 2022
ڈپٹی اسپیکر قومی اسمبلی قاسم سوری نے وزیراعظم عمران خان کے خلاف تحریک عدم اعتماد کو آئین کے آرٹیکل 5 کے منافی قرار دیتے ہوئے مسترد کر دیا جس کے بعد وزیراعظم عمران خان کی تجویز پر صدر ڈاکٹر عارف علوی نے قومی اسمبلی تحیل کر دی۔
اپوزیشن لیڈر شہباز شریف نے کہا کہ وزریراعظم کے اقدام پر ان کے خلاف آئین کا آرٹیکل 6 لگے گا۔
اسلامی جمہوریہ پاکستان کے آئین کا آرٹیکل 5 مملکت سے وفاداری اور دستور اور قانون کی اطاعت سے متعلق ہے جب کہ آرٹیکل 6 سنگین غداری کے بارے میں ہے۔
آئین آرٹیکل 5
آرٹیکل 5 میں بنیادی طور پر دو شقیں ہیں۔ اس کی پہلی شق کے مطابق مملکت سے وفاداری ہر شہری کا بنیادی فرض ہے جب کہ دوسری شق میں لکھا ہے کہ ’’دستور اور قانون کی اطاعت ہر شہری خواہ وہ کہیں بھی ہو اور ہر اس شخص کی جو فی الوقت پاکستان میں ہو[ واجب التعمیل ]ذمہ داری ہے ۔
آرٹیکل 6 سنگین غداری
کوئی بھی شخص جو طاقت کے استعمال یا طاقت سے یا دیگر غیر آئینی ذریعے سے دستور کی تنسیخ کرے تخریب کر ے یا معطل کر ے یا التواء میں رکھے یا اقدام کرے یا تنسیخ کرنے کی سازش کرے یا تخریب کر ے یا معطل یا التواء میں رکھےسنگین غداری کا مجرم ہوگا۔
(2) کوئی شخص جوشق (1) میں مذکورہ افعال میں مدد دے گایا معاونت کرے گا، ۳ یا شریک ہو گا اسی طرح سنگین غداری کا مجرم ہوگا۔
(2الف) شق(۱) یاشق (2) میں درج شدہ سنگین غداری کاعمل کسی بھی عدالت کے ذریعے بشمول عدالت عظمی اور عدالت عالیہ جائز قرارنہیں دیا جائے گا۔
(3) 5مجلس شوری ( پارلیمنٹ ) بذریہ قانون ایسے اشخاص کے لئے سزا مقرر کرے گی جنہیں سنگین غداری کا مجر مقرار دیا گیا ہو ۔
