05 اپریل ، 2022 
پاکستان
فوٹو: فائل
وزیراعظم سے سیکرٹری خارجہ کی ملاقات، مبینہ دھمکی آمیز مراسلے پر مشاورت
05 اپریل ، 2022
وزیر اعظم عمران خان سے سیکرٹری خارجہ نے بنی گالا میں ملاقات کی اور مبینہ دھمکی آمیز مراسلے پر مشاورت کی۔
ذرائع کے مطابق ملاقات میں وزیراعظم کےسیکرٹری اعظم خان، جوائنٹ سیکرٹری فارن سروس اکیڈمی شعیب سرور بھی موجود تھے۔
ذرائع کا کہنا ہےکہ وزیراعظم اور سیکرٹری خارجہ میں ملاقات میں سفارتی مراسلے پر بات چیت کی گئی۔
دوسری جانب وزیراعظم اور سیکرٹری خارجہ کے درمیان ملاقات پر ترجمان دفتر خارجہ نے بیان جاری کر دیا ہے۔
ترجمان دفتر خارجہ کا کہنا ہےکہ سیکرٹری خارجہ کسی اور کام سے وزیرا عظم کے پاس گئے تھے، ملاقات سفارتی کیبل پرنہیں ہوئی۔
