عمران خان نے اخراجات بچاکر پیٹرول اورڈیزل مہنگا ہونے سے بچایا، اسد عمر کا دعویٰ
16 مئی ، 2022
پاکستان تحریک انصاف کے رہنما اسد عمر نے دعویٰ کیا ہے کہ عمران خان نے اپنے دور حکومت میں اخراجات بچاکر پیٹرول اور ڈیزل مہنگا ہونے سے بچایا۔
گزشتہ روز پریس کانفرنس کرتے ہوئے اسد عمر نے کہا کہ پچھلے سال کے مقابلے اس سال بجلی کی پیداوار دس فیصد زیادہ ہوئی لیکن موجودہ حکومت کے آتے ہی لوڈشیڈنگ شروع ہوگئی۔
انہوں نے کہا کہ دوماہ میں زرمبادلہ کے ذخائر میں 37 فیصد کمی ہوئی ، وزیراعظم فیصلہ کرنے کی ہمت نہیں رکھتے۔
اس عمر نے مزید کہا کہ فی الحال حکومت کو کہیں سے پیسے نہیں مل رہے، اب اس کے پاس بیرون قرضہ لینے کے علاوہ کوئی چارہ نہیں ہے جبکہ سعودی عرب ،یو اے ای ،چین ،آئی ایم ایف کسی نے ان کو کچھ نہیں دیا،یہ سب ایک دوسرے کی طرف دیکھ رہے ہیں ۔
ان کا کہنا تھا کہ فیصلہ سازی منجمد ہے، شوکت ترین نے دعویٰ کیا کہ ہم سبسڈی کے لیے 466 ارب روپے کی فنڈنگ کا بندوبست کر لیا تھا۔
مزید خبریں :
کل سے ملک بھر میں درجہ حرارت میں اضافےکا امکان
5 گھنٹے پہلے
