29 مئی ، 2022 
پاکستان
ویڈیو: کراچی میں طلبہ بھی ڈاکوؤں کے نشانے پر، نقدی اور موبائل فونز لوٹ لیے
29 مئی ، 2022
کراچی: شہر قائد میں اسکول و کالج کے طلبہ بھی اب ڈاکوؤں سے محفوظ نہیں رہے۔
کورنگی نمبر 6 میں گزشتہ روز طلبہ سے لوٹ مار کی سی سی ٹی وی ویڈیو منظر عام پر آئی ہے جس میں دیکھا جا سکتا ہے کہ گلی سے گزرتے مسلح ڈاکو طلبہ کو جمع دیکھ کر واپس آئے۔
ویڈیو میں دیکھا جا سکتا ہے کہ ڈاکوؤں نے طلبہ سے موبائل فونز، نقدی اور قیمتی اشیا چھین لیں اور با آسانی فرار ہو گئے۔
فرار ہوتے ڈاکو ایک طالبعلم کی موٹر سائیکل کی چابی بھی لےگئے جبکہ سی سی ٹی وی فوٹیجز منظر عام پر آنے کے باوجود اب تک ڈاکو گرفتار نہیں ہو سکے ہیں۔
