04 جون ، 2022 
اڈیالہ جیل سے قیدیوں کو کچہری لانے کے بجائے ویڈیو لنک پر حاضری لگانے کا فیصلہ
04 جون ، 2022
اسلام آباد ڈسٹرکٹ اینڈ سیشن کورٹ نے پیٹرولیم مصنوعات کی قیمتوں میں اضافے کے بعد بڑا فیصلہ کرلیا۔
اسلام آباد ڈسٹرکٹ اینڈ سیشن کورٹ نے اڈیالہ جیل سے قیدیوں کو کچہری لانے کے بجائے ویڈیو لنک کے ذریعے حاضری لگانے کا حکم دیا ہے۔
ڈسٹرکٹ اینڈ سیشن جج ایسٹ عطا ربانی نے ماتحت ججز کو احکامات جاری کیے ہیں۔ سرکلر کے مطابق دن 11 بجے سے ایک بجے تک ملزمان کی ویڈیو لنک حاضری کیلئے 5 جوڈیشل مجسٹریٹ مقرر کیے گئے ہیں۔
سرکلر میں کہا گیا ہے کہ جن ملزمان کے چالان ابھی جمع نہیں ہوئے، ان کی حاضری جیل سے ویڈیو لنک کے ذریعے لگائیں۔
سرکلر کے مطابق ویڈیو لنک حاضری کا مقصد گاڑیوں کے جیل کے چکر اور سرکاری وسائل کی بچت کرنا ہے ، پیٹرولیم مصنوعات میں اضافے کے بعد قومی خزانے کو نقصان سے بچانے کیلئے اقدام اٹھایا گیا۔
