06 جون ، 2022 
اسلام آباد ہائیکورٹ نے سندھ سے پی ٹی آئی رکن قومی اسمبلی کی حفاظتی ضمانت منظورکرلی
06 جون ، 2022
اسلام آباد ہائیکورٹ نے سندھ سے اقلیتی نشست پر پاکستان تحریک انصاف (پی ٹی آئی) کے رکن قومی اسمبلی لال چند کی حفاظتی ضمانت منظورکر لی۔
اسلام آباد ہائیکورٹ کے چیف جسٹس اطہر من اللہ نے لال چند پر سندھ میں درج مقدمے میں حفاظتی ضمانت کی درخواست پر سماعت کی۔
درخواست میں مؤقف اختیار کیا گیا تھا کہ 25 مئی کو عمران خان کی کال پر احتجاج کیلئے اکٹھے ہونے والے پر امن مظاہرین پر تشدد اور آنسو گیس کی شیلنگ کے بعد پی ٹی آئی سے سیاسی انتقام کیلئے مقدمہ درج کر لیا گیا جو بدنیتی پر مبنی ہے ۔
درخواست میں کہا گیا ہے کہ آئین پاکستان پرامن احتجاج اور آزادی سے رہنے کا حق دیتا ہے لہٰذا استدعا ہے کہ متعلقہ عدالت سے رجوع کرنے کیلئے حفاظتی ضمانت منظور کی جائے۔
اسلام آباد ہائیکورٹ نے پی ٹی آئی کے رکن قومی اسمبلی لال چند کی 23 جون تک حفاظتی ضمانت منظور کرلی۔
