07 جون ، 2022 
پاکستان
فوج اور رینجرز کے اہلکار پولنگ اسٹیشنز کے باہر تعنیات ہوں گے، صوبائی الیکشن کمشنر کا مراسلہ— فوٹو:فائل
سندھ میں بلدیاتی انتخابات کے پہلے مرحلے کیلئے فوج اور رینجرز طلب
07 جون ، 2022
صوبائی الیکشن کمشنر سندھ نے صوبے کے 14 اضلاع میں بلدیاتی الیکشن کے پہلے مرحلے کیلئے فوج اور رینجرز کو طلب کرلیا۔
صوبائی الیکشن کمشنر نے ڈی جی رینجرز کو مراسلہ ارسال کیا جس میں کہا گیا ہے کہ سندھ کے 14 اضلاع میں بلدیاتی الیکشن کیلئے پولنگ 26جون کوشیڈول ہے۔
مراسلے کے مطابق بلدیاتی انتخابات کیلئے 9290 سے زائد پولنگ اسٹیشنز بنائے جانے ہیں، فوج اور رینجرز کے اہلکار پولنگ اسٹیشنز کے باہر تعنیات ہوں گے۔
مراسلے میں بتایا گیا ہے کہ حساس ترین پولنگ اسٹیشنز میں سی سی ٹی وی کیمرے لگائے جائیں گے۔
