ن لیگ کا بشریٰ بی بی کی دوست فرح گوگی کے ریڈ وارنٹ جاری کرنے کا اعلان

پاکستان مسلم لیگ کے رہنماؤں نے کہا ہے کہ انہوں نے عمران خان کی اہلیہ بشریٰ بی بی کی دوست فرح گوگی کے ریڈ وارنٹ جاری کرنے کا فیصلہ کیا ہے۔

مسلم لیگ ن کے رہنما عطاءاللہ تارڑ نے کہا ہے کہ بشریٰ بی بی، فرح گوگی اور احسن جمیل ٹرائیکا کے سربراہ عمران خان ہیں، ہم فرح گوگی کے ریڈ وارنٹ جاری کرنے والے ہیں۔

بشریٰ بی بی کی قریبی دوست فرح کا کروڑوں روپے کی قیمتی اراضی خریدنےکا انکشاف

فرح گوگی نے 200 کنال سے زائد قیمتی اراضی محض 50 کروڑ روپے میں پنجاب میں خریدی، دستاویز

ایوانِ  وزیر اعلیٰ لاہور  میں ملک محمداحمد خان کے ہمراہ پریس کانفرنس کرتے ہوئے مسلم لیگ ن کے رہنما عطاء اللہ تارڑ  نے عمران خان کو چیلنج کیا کہ فرح گوگی اور احسن جمیل گجر کو وطن واپس لائیں دودھ کا دودھ پانی کا پانی ہو جائے گا، عمران خان فرح گوگی کو  واپس کیوں نہیں لاتے؟ ہم فرح گوگی کے ریڈ وارنٹ جاری کرنے والے ہیں۔

انہوں نے کہا کہ عمران خان کو کیا باجوہ صاحب نے کہا تھاکہ کرپشن کرو؟ بشریٰ بی بی، فرح گوگی اور احسن جمیل ٹرائیکا کے سربراہ عمران خان ہیں۔

سابق خاتون اوّل کی جانب سے مخالفین کو غدار قرار دینے کی ہدایت سے متعلق مبینہ آڈیو ٹیپ پر رد عمل دیتے ہوئے صوبائی وزیر ملک احمد خان نے کہا کہ آڈیو ٹیپ سے بیرونی سازش کی حقیقت سامنے آگئی ہے، غداری کے سرٹیفکیٹ بانٹنے والی بشریٰ بی بی ماسٹر مائنڈ ہیں۔

’مخالفین کیخلاف غداری کا بیانیہ بنائیں‘: بشریٰ بی بی کی مبینہ آڈیولیک سامنے آگئی

علیم خان اور باقی سب جو بولیں گے وہ سب پلاننگ کے تحت ہے، آپ نے ان کو غداری کے ساتھ لنک کردینا ہے، بشریٰ بی بی کی ارسلان خالد کو ہدایات

ملک محمد احمد خان نے کہا کہ ’توشہ خان‘ عدم اعتماد کے ذریعے حکومت ختم ہونے پر جنرل باجوہ سے شکوہ کررہے ہیں، وہ ادارے کے سربراہ کو غیر آئینی اقدامات نہ کرنے پر الزام دے رہے ہیں۔

انہوں نے کہا کہ عمران خان نے اپنی حکومت جاتی دیکھ کر اپنے خلاف سازش کا بیانیہ گڑھا، عمران خان کی اہلیہ نے علیم خان اور دیگر سیاسی جماعتوں کے رہنماؤں کو غدار کہنے کی مہم چلوائی، ان کی جانب سے بیرونی سازش کا نام لے کر اندرونی سازش کی گئی۔

دبئی جانے کی خبروں کے بعد فرح خان کی پہلی انسٹا اسٹوری نے سب کو حیرانی میں مبتلا کر دیا

12 گھنٹے قبل اس اکاؤنٹ پر ایک اسٹوری شیئر کی گئی جس میں چائے اور سلاد دکھائی دے رہی ہے اور ساتھ ہی کچھ سوس وغیرہ موجود ہیں۔

ملک احمد خان نے کہا کہ ’مسٹر توشہ خان‘ کے خلاف الزامات کی فہرست بہت لمبی ہے، پنجاب میں لوٹ مار کا بازار گرم کیا گیا، اربوں روپے بزدار اور گوگی کے ذریعے بشریٰ بی بی تک پہنچائے گئے، کیا یہ کرپشن عمران خان کی مرضی کے بغیر ہوسکتی تھی؟

خیال رہے کہ عمران خان کے وزیراعظم کے عہدے سے ہٹتے ہی فرح گوگی دبئی روانہ ہوگئی تھیں جن کے حوالے سے کرپشن کے متعدد اسکینڈلز سامنے آچکے ہیں۔