12 جولائی ، 2022 
پاکستان
مون سون کی حالیہ بارشوں سے حب ڈیم کی سطح آب میں 15.8 فٹ کا اضافہ ہوگیا— فوٹو: فائل
حب ڈیم مکمل بھرنے کے قریب، کتنے سال تک پانی فراہم کیا جاسکے گا؟
12 جولائی ، 2022
کراچی: مون سون کی حالیہ بارشوں سے حب ڈیم کی سطح آب میں 15.8 فٹ کا اضافہ ہوگیا۔
واٹر بورڈ حکام کا کہنا ہے کہ حالیہ بارشوں سے قبل ڈیم میں پانی کی سطح 322 فٹ تھی جو بارشوں کے بعد 337.8 فٹ ہوگئی ہے۔
چیف انجینیئر واٹر بورڈ کا کہنا ہے کہ حب ڈیم میں پانی ذخیرہ کرنے کی گنجائش 339 فٹ ہے، حب ڈیم مکمل بھرنے میں تقریباً 1.2 فٹ باقی رہ گیا ہے۔
اس حوالے سے منیجنگ ڈائریکٹر (ایم ڈی) واٹر بورڈ کا کہنا ہے کہ پانی کی سطح میں اضافہ کراچی شہر کیلئے اچھی خبر ہے، حب ڈیم سے ڈسٹرکٹ ویسٹ میں پانی کی فراہمی میں مزید بہتری آئے گی، حب ڈیم سے شہر کو یومیہ 100 ایم جی ڈی پانی فراہم کیا جاتا ہے۔
ایم ڈی واٹر بورڈ کے مطابق حب ڈیم بھرنے کے بعد تین سال تک پانی کی فراہمی جاری رہے گی۔
