18 فروری ، 2012 
پاکستان اور انگلینڈ کے درمیان تیسرا ون ڈے آج دبئی میں کھیلاجائیگا
18 فروری ، 2012
دبئی…پاکستان اور انگلینڈ کے درمیان تیسرا ایک روزہ انٹرنیشنل میچ آج دبئی میں کھیلا جائے گا۔ چار میچوں پر مشتمل سیریز میں انگلینڈ کو 2-0 کی برتری حاصل ہے اور پاکستان سیریز میں واپس آنے کے لئے آج آخری موقع ہے۔ پاکستان ٹیم کے کپتان مصباح الحق پر امید ہیں کہ ان کی ٹیم سیریز برابر کرنے کیلئے سر دھڑ کی بازی لگادے گی۔ ہفتے کو ہونے والے ڈے اینڈ نائٹ ون ڈے کے لئے مقامی شائقین کی دلچسپی اس حد تک ہے کہ پاکستان سیریز میں واپس آئے ، ان کا کہنا تھا کہ انگلش ٹیم نے انہیں کھیل کے تینوں شعبوں میں اچھی کارکردگی کی اور ہمیں بھی تینوں شعبوں میں ان سے اچھی کارکردگی کامظاہرہ کرنا ہوگا۔مصباح الحق نے توقع ظاہر کی ہے کہ پاکستان ٹیم نے پہلا میچ 130رنز سے ہارنے کے بعد دوسرے میچ میں بہتر کھیل کا مظاہرہ کیا اور صرف 20رنز سے ہارے،تیسرے میچ میں گرین شرٹس کی کارکردگی میں مزید بہتری آئے گی۔ پاکستان کا ساتویں ون ڈے سیریز جیتنے کا خواب پورا نہ ہوسکا، اب وہ دونوں میچ جیت کر سیریز برابر ہی کرسکتا ہے۔
